Обращение:

Сәлеметсіздер ме! Менің атым Қалқанова Шәрбану Хазретқызы, 35 жастамын, үш баланың анасымын. Жолдасым Ғалымжан Көшек Төлесінұлы жеке компанияда Цехте оператор болып жұмыс жасайды. Мен институтты бітіріп, 4 жыл мамандығыммен жұмыс жасадым. Кәзір декреттік демалыста отырғаныма 10 жылдай болды. Үлкен қызым Айгерім Төлесін 21.09.2017 жылы туылды. Айгерім 7 айнан бастап көп ауыра бастады, көбіне ОРВИ болып ауыра беретін, 9 айында ЦМВ инфекциясымен 1 айдай инфелкциялық ауруханада жаттық. Көптеген дәрілерді іштік, тамырына көптеген уколдар да алдық. Дене қызуы 1 ай бойы жоғары болып тұрды. Ауруханадан шыққаннан кейін терісімен, шашымен, дауысымен байланысты көп емделдік. Терісінде әр жерінен жаралар шығып 1 аптадай уақытта жазылады, сосын денесінің басқа жерінен шығады қайта жазылады, солай болғанына міне 4-5 жыл болды. 

Оған қоса шашы да өте сирек. Дауысы болса өте бәсең және дауысында қырыл бар. Және де ерінінде шырышты терісінің астында қатты, домалақ нәрселер бар. Ол шағымдардың барлығы дәрігердің жолдамасында жазылған.  Ақтаудағы дерматолог, Ақтөбедегі эндокринолог, ЛОР дәрігерлердің табалдырығын тоздырдық. Ақтаудағы облыстық деңгейдегі ЛОР дәрігер наркозбен дауысының шықпау себебін қараған болатын. Ол еш себеп таба алмады. Астанада наркозсыз-ақ эноскоппен де қарауға болатынын біліп, эндоскоппен тексерттім. Дауысының шықпау себебін анықтадық. Басты себебі голосовой связкаларында ескі тыртық бар екені анықталды. Айтқым келгені, қызым сол дигнозды таба алмау салдырынан керек емес артық дәрілерді ішіп, керек емес наркозға жатып денсаулығына одан әрі зиянды, пайдасыз манипуляциялардан өтті. Қызым кәзір 6 жаста, осы уақытқа дейін дерматолог, эндокринолог, ЛОР мамандарына барып, терісімен, шашымен байланысты көп емделдік.

Ол емделулер тұрақты 100 пайыз нәтиже бермеді, содан нақты диагнозының табылмағанын түсіндім. Терісі мен шашы көбірек күтімді керек етеді, аллергиялық тағамдарға да шектеу қойылды, дауысына тыныс алу жаттығуларын күнделікті жасап отырамыз. Осы 2024 жылы жаз айларында Астанада 2 ай пәтер жалдап жатып, ақылы түрде Республикалық Диагностика Орталығында көптеген маман дәрігерлерге көріндік. Әлі де шашының сирек болуының, терісіндегі жаралардың нақты себептері анықталмай жатыр. Көптеген қан талдауларын жасаттық, әлі де тапсыратын қан талдаулар бар. Айгерімге әлі көптеген тексерулер керек, дефектолог, логопед мамандармен жұмыс жасауы керек. Қызымның психикасы жақсы, өте алғыр, қиялы ұшқыр, тұрақты отырып бір нәрсемен ұзақ айналыса алады, есте сақтау қабілеті жақсы. Терісімен, шашымен байланысты қызым қатарларынан қысылмаса екен деймін, өз-өзіне сенімді, әдемі, дені сау болып өссе екен деймін. Генетик маманнының жолдамасымен, Сіздердің көмектеріңізбен керекті анализді тапсырғымыз келеді.

Қайрымдылық көмекті іздеуде БАҚ-да, ғаламторда жіберіліп жатқан құжаттарды, сонымен қатар, медициналық түйіндерді, фотосуреттерді пайдалануға рұқсат беремін.