Обращение:

Мен, Калсаева Гүлжан Асқарбаевна, ұлым Пірәлі Абай Ерғазыұлы 25 наурыз 2021 жылы дүниеге келді. Оның диагнозы: «стеноз гортании 3-4 степени». Ұлым туылмай жатып операция жасалды, соның нәтижесінде балама трахеостомиялық трубка қойылды. Сол уақытта біз себебін білмедік, жиырма күндей ауруханада ем қабылдап шықтық.

Сол кезде дәрігерлер маған Алмат Жақсылықұлының телефон нөмірін берді. Балама алты ай толғанда біз Астана қаласындағы «Ана мен Бала» ғылыми орталығына бардық. Ол жерде ларингоскопия жасалып, нақты диагноз анықталды. Содан бері әр үш немесе алты ай сайын ем қабылдап жүрміз. Бірақ үш жыл өтсе де, ешқандай өзгеріс байқалмады. Бізге үлкен операция қажет екенін айтты, бірақ баламның салмағы жеткіліксіз болды. Қазір оның салмағы жақсы деңгейде.

Қажетті емдік материалдарды өз қаражатымызбен алып жүрміз, бірақ олар өте қымбат. Трахеостомиялық трубка, әсіресе, өте қымбат тұрады — шамамен 40 мың теңге, және оны айына екі рет ауыстыру қажет. Біз “Shiley” фирмасының трубкаларын қолданамыз, өйткені олар жұмсақ әрі балаға ыңғайлы.

Мен көп балалы анамын, бес ұлым бар. Отбасымызда тек жолдасым ғана жұмыс істейді. Біз екі бөлмелі пәтерде тұрамыз. Балама операция жасау үшін, ана ретінде сіздерден материалдық көмек сұраймын. Ұлымыздың өзге балалар сияқты еркін дем алып, өз ортасымен еркін араласқанын шын жүректен қалаймыз.

Қайырымдылық көмек іздеу барысында мен сіздерге жіберілген кез келген құжаттарды, соның ішінде медициналық мәлімдемелер мен фотосуреттерді бұқаралық ақпарат құралдарында, соның ішінде интернетте пайдалануға рұқсат етемін.

Қалсаева Гүлжан Асқарбаевна