Обращение:

Біз, Бақтыбай Дамир Жомартұлы, 31.05.2008 жылы, Размозжение других отделов голеностопного сустава и стопы диагнозы баланың ата-анасы, сіздерден шетел дәрігерлерінің емделу ақысын төлеуге көмектесулеріңізді сұраймыз.

Мен, Тлесова Алтынай Амангосовна балам Бақтыбай Дамирдің еміне көмек берулеріңізді сұраймын. Балам 31.05.2024 жылы жол апатына түсіп, оң аяғының табан бөлігінен айырылып отыр. Сол күннен бастап қазірге дейін, Қазақстанның бірнеше қаласында ем алдық. Жол апатынан кейін жедел түрде қан тоқтату мақсатында Арал қаласында 1-ші отасы болып өтті. Отадан кейін дәрігерлер, баланың жағдайына қарап, бірден Қызылорда қаласындағы «Көп бейінді облыстық балалар ауруханасына» жедел жәрдем көлігімен жіберді. Ол жерде 2 рет ота жасалып, аяғы іріңдеп, аяқтың бір бөлігін алынып тасталды. Күнделікті жараны тазалау жұмыстары «наркозбен» жасалды. Бас аяғы 22 күнде балама 12 рет наркоз салынды. Баланың жағдайы нашарлағаннан кейін қолымыздан келмейді деп қайтарды. Жедел түрде Алматы қаласындағы «№2 балалар қалалық клиникалық ауруханасына» бардық. Баланың жағдайын тексеріп, жедел түрде больницаға жатқызды. 03.07.2024 жылы больницаға түсіп,21.07.2024 жылы шықтық. Осы аралықта 2 рет ота жасалды. 09.07 және 17.07 күндері. 1-ші ота кезінде іріңді бөліністі тазалап, 2ші ота кезінде жара бетін терімен жауып қойды. Енді отаны микрохирургтар жасау керек. Қолдың бұлшық етінен тамыр мен ет алып, аяққа жалғау керек. Ота ұзақтығы 6-7 сағ құрайды екен. Қазақстан дәрігерлері бұндай отаны жасай алмай отыр. Шетел дәрігерлері келіп жасауға қаражат берулеріңізді сұраймын. Өзім көпбалалы анамын. Күйеуім жұмыс жасайды. Ауылдық жерде тұрамыз. Атам 2 топ мүгедек. Біз сол кісілердің қолында тұрамыз. Жеке баспанамыз жоқ. Осы 6 ай аралықта қолымыздағы бар қаражатпен ем алдық. Баламның аяғына тік тұрып кетуіне көмек берулеріңізді сұраймын. Балам қазіргі таңда мектепке де бара алмайды. Үйден оқуда отыр.

«Қайырымдылық көмек іздеу үшін мен Сіздерге жіберілген кез келген құжатты, соның ішінде медициналық мәлімдемелермен мен фотосуреттерді бұқаралық ақпарат құралдарында, соның ішінде  Интернетте пайдалануға рұқсат беремін»

 Тлесова Алтынай Амангосовна