Обращение:

Мен, Қожахмет Ақберен Дінисламұлы, 02.02.2024 жылы туылған, диагноз - 5 дәрежелі ретинопатия, баланың ата –анасы, сізден шетелде емделу ақысын төлеуге көмектесулеріңізді сұраймыз. Балам жүктіліктің 28 аптасында дүниеге келген, салмағы 1200кг, туылған кезінде жағдайы ауыр болғын, алғашқы 2 айында Шымкент қаласының перинаталдық ауруханасында жаттық, содан облыстық балалар ауруханасына ауысып,сол жерде афтольмолог баламның көзін тексеру барысында – ретинопатия – диагнозын қойды. Содан лазерлік ота жасалып, отадан соң біз үйге шықтық, келесі дәрігерлік тексеруге барған кезімізде, жасалған отаның нәтиже бермегендігін және бұл дерттің емі тек Ресейде және Үндістанда мүмкіндігін айтты, алайда қолымызда қаражаттың жеткіліксіз болғандығынан, біз Ресейде Оренберг қаласының Федоров атындағы медициналық клиникасына бардық, ол жақта ақылы қаралып, баланың көзіне операция жасалуының қажеті жоқтығын айтты. Содан ол жерде бізге Алматы қаласындағы көз аурулар ғылыми орталығына дәрігерлік кеңес алуға ұсынды. Алматы қаласындағы «Центр охраны зрения» ауруханасының дәрігері Сабина Асылбековнаның қабылдауында болдық. Қабылдау барысында ол дәрігер бізге Астана қаласындағы №2 көп салалы ауруханасындағы дәрігер Купенов Сұңғат Қаратаевичке операция жасатуды ұсынды. Содан 2024 жылдың 11 қазанында баламның 2 көзіне операция жасалды, (операция ақылы жасалды- соммасы 1 170 000 тенге) операциядан кейінгі дәрігерлік қаралу кезінде бізге қайта операция жасалу керектігін айтты. Алайда қолымызда қажетті қаражаттың болмауына байланысты «Аяла» қайырымдылық қорынан балама ота жасалуына қаржылай көмек сұраймын.   Өзім  көп-балалы анамын, 4 балам бар, 2-ші ұлым 2018жылы туылған «мүмкіндігі шектеулі». Қазіргі уақытта жұмыссызбын (үй бикесімін), жұбайым – темір жолда қарапайым жұмысшы болып істейді. «Қайырымдылық көмек іздеу үшін мен сіздерге жіберілген кез келген құжатты, соның ішінде медициналық мәлімдемелер мен фотосуреттерді бұқаралық ақпарат құралдарына, соның ішінде Интернетте пайалануға рұқсат беремін».

Сураншиева Г. П.