Обращение:

Біз, Марат Алисұлтан Фархатұлы, 09.04.2018, стеноз гортани, баланың ата-анасы, сіздерден шетелде емделу ақысын төлеуге көмектесулеріңді сұраймыз. Баламның 2020 жылдың Наурыз айында дауысы жай шыға бастады, емін таппай Алматыға Ақсай клиникасына барып Медеулова А.Р. деген кісіге бардық, ол кісі сол жылдың қараша айында балама «папилломатоз гортани» диагнозымен ота жасады. Бірақ бір операциядан кейін балам жазыла қоймады: жарты жыл сайын, кейде екі ай сайын біз Алматы қаласына ота жасатуға бардық, папилломалары қайта-қайта өсе берді. Сосын біз өз пәтерімізді сатып, сол тапқан қаражатымызға 2024 жылы сәуір айында Оңтүстік Корей еліне отаға бардық. Ол жерде 3 апта болып, 3 ота жасалынды. Барлығы 11 миллион тенге жұмсалды. Нәтижесінде кішкене папилломалары азайды, бірақ өсуін тоқтатпады. Сөйтіп, Қазақстанға келгеннен кейін 2 айдан кейін «Ана мен бала» UMC ауруханасының көмегіне жүгіндік. Ол жерде Бекпан А.Ж. пен Ауталипов Д.Х. ота жүргізген болатын. Бір жыл ішінде екі ай сайын Тараздан Астанаға оту жасауға барамыз. Папилломалары өсуін тоқтатты, алайда оның орнына жаңа диагноз, стеноз гортани пайда болды. Балама ауа жетпей қалуының себебінен 2024 жылдың қазан айында балама трахеостомалық трубка қойылды. Екі ай сайын бужирование жасалады, және грануляциялар өсіп кетіп жатыр. Ешқандай алға жылжу жоқ. Операциялар саны өте көп. Бекпан Алмат Жақсылықұлының айтуы бойынша Ресейдегі дәрігер Пряников П.Р-ның  көмегіне жүгінуіміз қажет. Ол кісі ана мен бала ауруханасына келіп жасап береді екен, Астана қаласында. Сол себепті сіздерге хат жазып отырмын. 5 жылдың ішінде балама 20 шақты операция жасалды. Сол кезден бастап баламның дауысын естімедік. Бізге осы Ресейдің дәрігерінің көмегіне жүгінуімізге сіздерден көмек сұрап жатырмын. Баламның қазір жасы 7-де, мектепке әлі бармады. Әне-міне жазылады деп жүргенде мектепке баратын жасы да келіп қалды. Мен оның басқа балалар сияқты мектепке барғанын қатты қалаймын, бірақ дауысы шықпай, оны ешкім естімей қалады, және де тамағында трубкасы болғаны үшін қиын болады. Балам хат таниды, жаза алады, есеп шығарады, шахмат үйірмесіне барады. Өте ақылды бала, жай осы сынақтан өтсе екен деп тілеймін. Мүмкін осы ота оған көмектесіп қалар деген үміттемін. Мен мұғалім болып жұмыс жасаймын, айлығым 180мың теңге шамасында, баламның әкесі Астанада таксист болып жұмыс жасайды. Атымызда ешқандай үй-мүлік жоқ. Ата-анамның үйінде тұрамын балдарыммен бірге, балама мүгедектікті осы жеті жасына толғанда алдым. Жолдасыммен ажырасып кеткем. Баламның еміне артық қаражатым жоқ. Бар үмітім қазір тек қана Құдайда және сіздерде. «Қайырымдылық көмек іздеу үшін мен Сіздерге жіберілген кез келген құжатты, соның ішінде медициналық мәлімдемелер мен фотосуреттерді бұқаралық ақпарат құралдарында, соның ішінде Интернетте пайдалануға рұқсат беремін».

Сырғалиева Сәуле Бауыржанқызы