Обращение:

Мен, Режепова Шолпан – көп балалы анамын. Сіздерге ана жүрегінің ең ауыр мұңымен, үлкен үмітпен көмек сұрап жүгініп отырмын. Менің ұлым – Сейдуалы Мухаммед Болатұлы, 07.01.2017 жылы Шымкент қаласында дүниеге келген. Туғанынан бастап оған микроцефалия диагнозы қойылған. Өкінішке қарай, учаскелік дәрігерлер мен невропатологтардың салғырт қарауының салдарынан ұлым ұзақ уақыт бойы есепке алынбай, тиісті бақылаусыз қалған. 2025 жылдың тамыз айында ұлым ауыр пневмониямен ауруханаға түсіп, сол кезде ғана ресми түрде есепке алынды. Қазіргі таңда инвалидтікке құжаттар рәсімделіп жатыр. Алайда ұлымның жағдайы күрт нашарлап кетті. 2026 жылдың қаңтар айында қайта ауырып, жеке клиникада ем алдық. Бірақ салынған дәрілердің әсерінен иммунитеті одан сайын төмендеп, жағдайы ауырлай түсті. Соның салдарынан біз Шымкент қалалық балалар ауруханасына шұғыл түрде түстік. Ауруханаға түскен кезде жағдайы өте ауыр болды: құлақ ауруымен түскенімен, тексеру барысында қан көрсеткіштері қатты төмендеп, көп мөлшерде қан жоғалтты. Гематолог мамандар шақырылып, ұлым гематология бөліміне жатқызылды. Оған қан құйылып, 10 күн ем қабылдады. Дәрігерлер бастапқыда лейкоз деген күдікпен бізді Алматы қаласындағы ғылыми педиатрия орталығына жолдады. Қазіргі таңда сол жерде ем алып жатырмыз. Ұлыма екі рет пункция жасалғанымен, лейкоз диагнозы расталмады. Қазір дәрігерлер иммундық тапшылық (иммунодефицит) диагнозын қарастырып жатыр. Ұлымның жағдайы өте ауыр: барлық анализдері төмен, дене қызуы 38–40 градусқа дейін көтеріліп тұр. Нақты диагноз қою үшін генетикалық талдау тапсыру қажет. (Полное геномное секвенирование).Бірақ бұл тексеру өте қымбат, ал менің оған қаржылық мүмкіндігім жетпейді. Отбасылық жағдайымыз да өте қиын: Жолдасым Режепов Болат Сейдуалиевич – 1-топтағы мүгедек; Өзім көп балалы анамын; 5-қабатта тұрамыз. Жолдасымның түсіп мінгені қиын, оң жағы жұмыс істемейді;сөйлеи алмаиды Өзім базарда сатушы болып жұмыс істейтінмін, бірақ соңғы 2 айдан бері жұмыс орным жабық, табыссыз отырмын. Қазіргі таңда біз үшін әр күн күрес. Ана үшін баласының қиналғанын көруден ауыр нәрсе жоқ. Ұлымның өмірі мен болашағы сіздердің көмектеріңізге байланысты болып тұр. Сіздерден шын жүректен өтініп сұраймын – бізге көмектесіңіздерші! Кез келген қолдау – біз үшін үлкен үміт, үлкен демеу. Алла сіздерге разы болсын! Жақсылықтарыңыз еселеніп қайтсын! Қайырымдылық көмек іздеу үшін мен сіздерге жіберілген  кез келген құжатты, соның ішінде медициналық мәлімдемелер мен фотосуреттерді бұқаралық ақпарат құралдарында, соның ішінде интернетте пайдалануға рұқсат беремін.