Обращение:

Мен Ералханова Сымбат кішкентай қыздың анасымын. Сіздерден қызымның өміріне үміт сыйлайтын генетикалық зерттеу мен еміне көмек сұраймын. Менің қызым Ерғали Назерке Бағдатқызы 12.10.2023ж. Біздің ауыр сынағымыз 2025 жылдың қазан айында басталды. Ол кезде балам небәрі екі жаста еді. Еш жері ауырмағандай көрінгенмен, аяқ-қолында көгерулер пайда болып, әлсізденіп мұрнынан қан кетіп тоқтамай бастады. Қан талдауы тапсырылған кезде гемоглобині мен тромбоциттері өте төмен болып шықты. Кейін көптеген тексерулерден соң дәрігерлер апластикалық анемия диагнозын қойды. Сол күннен бастап біздің өміріміз мүлде өзгерді. Аурухана мен үйдің арасында жүрміз. Қызымыз бірнеше рет ауруханаға жатты, қан мен тромбоцит масса құйылды, көптеген талдаулардан өтті. Қазіргі уақытта дәрігерлердің бақылауында ем қабылдап жатыр. Циклоспорин мен элтромбопаг басқа да қажетті дәрілерді қабылдап келеді. Өкінішке қарай, бұл зерттеу өте қымбат. Біз қарапайым отбасымыз, көп балалы анамын. Баламыздың еміне, жол шығындарына, дәрі-дәрмекке бар қаражатымызды жұмсадық. Бірақ шетелдегі генетикалық зерттеудің ақысын төлеуге шамамыз келмейді. Әр күн сайын қызымыздың қан көрсеткіштерін уайымдап күтеміз. Оның аман-есен өсіп, басқа балалар сияқты алаңсыз ойнап, бақытты өмір сүргенін қалаймыз. Біз үшін одан қымбат ештеңе жоқ. Сондықтан Сіздерден баламыздың өміріне үміт сыйлайтын генетикалық зерттеулер мен әрі қарайғы еміне қолдау көрсетулеріңізді шын жүректен өтінемін. Қайырымдылық көмек іздеу үшін, мен Сіздерге жіберілген кез-келген құжатты, соның ішінде медициналық мәлімдемелер мен фотосуреттерді бұқаралық ақпарат құралдарында, соның ішінде интернетте пайдалануға рұқсат беремін.  

Ералханова Сымбат